Kanayon nga ipalpalagip daydi Nanang na idi sibibiag pay nga tuladen na kuma da Jose Aspiras nga Secretaryo ti Toursimo keni Engineer Bernard Vergara ti Department of Public Works and Highways nga nu man pay naggapo da iti baryo, nangato latta iti naragpat da iti panagbiag. Inusar na atoy nga pammagbaga tapnu igaed na ti agiskwela uray man pay adu nga rigat ken sakripisyo. Sakbay idi nga apan agiskwela, tumulong pay nga apan agruot ti kanen iti kabalyo ken agikkat iti igges ti tabako. Nu apan tun agiskwela, pagnaen na iti duwwa a kilometro a dalan. Numet panagtutudo, magmagna isuna nga saka-saka tapnu haan nga maparsyakan ti pitak dyay uniporme na.
